Alcantara, Vietnamese naghari sa Hai Dang Cup

DINISPATSA nina Southeast Asian (SEA) Games doubles champion Francis Casey Alcantara at singles gold medalist Nam Hoang Ly ang kanilang Korean rivals Sabado para isako ang doubles title sa Hai Dang Cup Week 2 sa Tay Ninh City,Vietnam.

Ang unseeded Filipino-Vietnamese pair ay umiskor ng 6-3,6-1, victory kontra Ji Hoon Son at Ulsung Park sa kanilang final duel na ginanap sa Hai Dang Tennis Club outdoor hard court.

“I am happy to get my second title this year,” Sambit ni Alcantara, na nasilo ang doubles plum sa Colin Sinclair ng Northern Mariana Island sa ibang ITF World Tennis Tour event sa Cairo, Egypt nakaraang buwan.

“I hope to win again next week,” dagdag pa ng Cagayan de Oro City-born Alcantara, na lalahok sa third leg ng Vietnam tournament.

Nagtagumpay si Alcantara sa SEA Games doubles title kasama si Jeson Patrombon noong 2019.

Samantala, Pinataob ni Ly ang No.8 Australian Aaron Addison, 6-4, 6-4, para makarating sa single final.

Ang top seeded Vietnamese ay makakaharap ang No.4 Czeck Dominic Palan, na nagtala ng 3-6,6-4,6-2, upset win kontra No.2 American Kyle Seelig sa ibang semifinals.