Bagong silang na sanggol sinako

Natagpuan sa loob ng sako sa gilid ng kalsada ang isang bagong silang na sanggol sa Brgy. Looc, Dumaguete City nitong Martes.

Ipinahayag ni Flor Cornelia, isang attending nurse, ang kapitan ng barangay ang nakarinig sa iyak ng sanggol.

Sinugod agad sa paanakan ang sanggol at agad na nilisin ng mga nurse.

“May dugo pa at nakita namin ang umbilical cord ay pwersahan na tinanggal. Parang kutsilyo ang ginamit,” wika ni Cornelio.

May bigat na 6 lbs. ang sanggol at pinangalanang “Baby Angeling”, hango sa salitang “Anghel”. Batay sa kanilang check-up sa bata, nasa 8 months at 3 weeks old lang ito.

Ibibigay sa Department of Social Welfare and Development (DSWD) Dumaguete City ang kostudiya ng sanggol.