Inding-indie chair Josephine Navarro nakatutok sa business

Ni NONIE V. NICASIO

ANG talent manager, host ng online show, businesswoman, at Inding-Indie chairperson na si Josephine Navarro ay nakatutok sa kanyang mga negosyo sa panahon ng pandemic.

Saad ni Josephine, “Yes, mas focus ako ngayong panahon ng pandemic sa business ko, like sa real estate, my Osie Coffee, supervising yung construction, at online selling.

“Dati, nagkaroon ako ng show sa EuroTV, ngayon mapapanood kami sa Kakampi Live, bale sa FB Live po iyan. Nag-stop lang po ako now kasi medyo busy, pero by July ay babalik na kami. Ang title po ng show ko ay Osie Showbizness, once a week ito at co-host ko rito sina Fernando Jose and Marissa Custodio.”

Sa business muna ang focus niya ngayon, partikular sa kanyang Osie Coffee.

Kuwento pa ni Josephine, “Yes, ako na rin po ang endorser ng Osie Coffee, binibigyan ko na lang iyong mga artista para matikman nila. Katulad nina Pilar Pilapil, Ma. Isabel Lopez, Imelda Papin, Beverly Salviejo, at marami pang iba.”

Ano ang reaction nila sa kanyang kape?

Tugon niya, “Nasasarapan sila, then nagre-request uli, hehehe.”

Pagmamalaki pa ni Josephine sa kanilang kape, “Marami na kaming nakuhang awards, like itong Best Brand of the Year 2019 na ang nag-award ay BEST Social Award at Best Herbal Health Coffee from 39th People’s Choice Award and Dangal ng Bayan Award.”

Nabanggit niya na mabuti sa katawan ang kanilang produkto.

Aniya, “With malunggay, guyabano, Stevia, plus collagen na anti-aging po. Tumutulong siya para sa may highblood. Sa diabetic, puwede siya dahil stevia ginamit, pamalit ng sugar. Mataas ang vitamin level nito dahil sa malunggay at full of vitamin-C dahil sa guyabano.

“Plus, pampabata dahil sa collagen at nakakatulong siya sa mga may goiter or bukol na lumiit, and sa may mga arthritis din. Although hindi siya gamot, pero makakatulong itong Osie coffee.”

Dagdag pa ni Ms. Josephine, “Sa mga gustong bumili ng aming produkto, direct po sa akin, puwede silang magpunta sa Vista Verde, Caloocan, Lot 28 blk 9, Charlston St. o tumawag sa CP no. 09484894846.”