Mayor Isko ‘threat’ sa ‘Duterte Dynasty’ – Makabayan

NAKIKITA ni Presidente Rodrigo Duterte si Manila Mayor Isko Moreno bilang “threat” sa “Duterte Dynasty” sa 2022, pahayag ng Makabayan bloc sa House of Representatives.

Ginawa ng Makabayan bloc ang pahayag sa kainitan ng nangyayaring “word war” sa pagitan nina Duterte at Moreno.

Inanunsyo ni Duterte kamakailan na tatanggalan niya ng power sa pagbibigay ng ayuda ng national government ang isang mayor sa Metro Manila dahil dis-organisado raw ito.

“It is disgraceful that Pres. Duterte resorted to personal attacks against Mayor Isko not because the LGU chief has failed in his work, but because he is perceived by the president as a threat to his plan of having a Duterte Dynasty by 2022,” statement ng Makabayan bloc.

Ang Makabayan bloc ay binubuo nina Bayan Muna Partylist Reps. Carlos Isagani Zarate, Eufemia Cullamat, at Ferdinand Gaite; Gabriela Women’s Party Rep. Arlene Brosas; ACT Teachers Partylist Rep. France Castro; at Kabataan Partylist Rep. Sarah Jane Elago.

Naniniwala ang marami na ang pinatutungkulan ni Duterte sa kanyang pinakahuling tirada Lunes ng gabi ay si Moreno na mayroong mga larawang naka-bikini na nagkalat online. Si Moreno ang tanging Metro mayor na nagkaroon ng sexy roles sa mga pelikula noong nag-a-artista pa ito.

Itinanggi naman ng Malakanyang kung sinong Metro mayor ang tinutukoy ni Duterte.

Sa kabila nito, sinabi ng Makabayan na dapat malaman ni Duterte na noong Hunyo 30 ay pinagkalooban ng Department of the Interior and Local Government (DILG) ang City of Manila ng certificate of recognition sa pagiging “efficient and timely” sa pamamahagi nito ng financial aid.

“If there is a ‘mayor’ who is disorganized in its aid distribution and pandemic response that is no one else but ‘Mayor Duterte’ himself,” sabi ng Makabayan bloc.

“Isn’t it because of his leadership that the government failed to release more than P10-billion cash aid under Bayanihan 1 and 2? Isn’t it because of his ineptitude that our country has the world’s longest militarized lockdown? Isn’t because of their inefficiency that the vaccination rollout remains sluggish?” dagdag pa ng grupo.