Rigondeaux vs Casimero
Advertisers
IPAGTANGGOL ni three-weight world champion John Reil Casimero ang kanyang WBO belt laban kay Guillermo Rigondeaux sa Dignity Health Sports Park sa Carson,California, Linggo, Agosto 15, dito sa Pilipinas.
Sa panayam kay Casimero, sinabi niya na igaganti niya ang mga Pilipinong boksingero na tinalo ni Rigondeaux.
“Di pa nasubukan ni Rigo na matulog siya sa ring. Bigyan natin ng experience,” Wika ni Casimero, nicknamed “Quadro Alas,” sa kanyang YouTube video habang nakikipag-usap sa kanyang fans.
Kabilang sa mga tinalo ni Rigondeaux ay si Nonito “The Filipino Flash” Donaire, na target ding kalabanin ni Casimero sa 118 lbs category.
Samantala, sinabi naman ni coach Nonoy Peri na asahan ang kakaibang bangis ni Casimero sa oras na tumungtong ito sa loob ng ruweda.