Panabong na manok binigyan ng engrandang libing

ENGRANDE ang naging libing ng isang tandang na panabong sa Thailand kamakailan.

Napag-alaman na isang kampeon ang tandang na nakapag-uwi ng maraming parangal.

At bilang pagkilala sa kanyang achievements, minarapat ng may-ari na bigyan ito ng magarbong libing.

Inilagay ang manok sa isang kahon na dinekorasyunan ng kurtinang lace habang satin ang higaan.

Dinumog ng fans ang libing.

Kumikitang kabuhayan ang pag-aalaga ng mga tandang sa Thailand kungsaan umaabot sa 3 million baht (P4.3 milyon) ang presyo ng isang champion cock.