Advertisers

Advertisers

Panibagong record high na 39,004 new COVID-19 cases, naitala

0 49

Advertisers

NAKAPAGTALA pa ang Department of Health (DOH) ng panibagong record-high na 39,004 new COVID-19 cases nitong Sabado, Enero 15, 2022, sanhi upang umabot na sa mahigit 280,000 ang mga aktibong kaso ng COVID-19 sa Pilipinas.

Batay sa case bulletin #672 na inisyu ng DOH, nabatid na umaabot na ngayon sa 3,168,379 ang kabuuang bilang ng COVID-19 cases sa Pilipinas.

Sa naturang bilang, 8.9% pa o 280,813 ang aktibong kaso o nagpapagaling pa mula sa karamdaman.

Sa mga aktibong kaso, 267,185 ang mild cases; 8,928 ang asymptomatic; 2,925 ang moderate cases; 1,472 ang severe cases; at 303 ang kritikal.

Nakapagtala rin naman ang DOH ng 23,613 bagong gumaling sa sakit, sanhi upang umabot na sa 2,834,708 ang total COVID-19 recoveries sa bansa o 89.5% ng total cases.

Nasa 43 naman ang iniulat na namatay sa karamdaman nitong Sabado.

Sa ngayon, ang Pilipinas ay nakapagtala na ng 52,858 total COVID-19 deaths o 1.67% ng total cases. (ANDI GARCIA)

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More