Advertisers

Advertisers

Pag-angkat ng 60k metrikong toneladang isda ng DA inalmahan

0 230

Advertisers

Binatikos ni Deputy Speaker Rodante Marcoleta ang kawalan ng plano ng Department of Agriculture (DA) para maibangon ang kabuhayan ng mga mangingisdang apekatdo ng nagdaang Bagyong Odette.

Kasunod na rin ito ng plano ng ahensya na mag-angkat ng 60,000 metrikong tonelada ng isda kabilang ang galunggong at mackerel.

Giit ni Marcoleta, ang hakbang ng DA na mag-import na lamang ng isda mula sa ibang bansa ay nagpapakita ng kawalan ng plano sa ilang taon nang problema ng mga mangingisda.



Paalala ng kongresista, 20 bagyo sa bawat taon ang sumasalanta sa bansa kung saan anim hanggang pito rito ay lubhang mapaminsala.

Sa mga nakalipas na taon na hindi na bago ang kalamidad sa Pilipinas, dapat mayroon nang permanenteng support mechanism ang DA para tulungan ang mga mangingisda sa pag-aayos ng kanilang mga bangka at kagamitang sinira ng bagyo.

Ang paggamit aniya sa Bagyong Odette na katwiran sa pag-i-import ng isda ay naglalantad sa kahinaan ng ahensyang i-rehabilitate ang fishing industry bilang pangunahing bahagi ng agricultural sector.

Kung tutuusin pa aniya, nasa 60% lang ang budget utilization ng DA at maaaring gamitin ang natitirang pondo para i-subsidize ang mga mangingisda.

Subaybayan natin!

***



Para sa inyong mga suhestyon, reaksyon at opinyon mag-email lang sa [email protected].
Ugaliing makinig sa programang “BALYADOR” at “WALANG PERSONALAN TRABAHO LANG” mula lunes hanggang linggo 11:00am-12:00noon sa RADYO NG MASA entertainment net radio. tuwing sabado at linggo 12:00nn-12:30pm sa DWBL 1242 kHz am band, tuwing martes 9:30am RADYO NATIN 105.3 FM Pinamalayan,10:00am RADYO NATIN 102.9 FM Victoria, tuwing biyernes 9;00-10;00am 98.9 FM RADYO NATIN Roxas at tuwing huwebes 9:00-10:00am sa 96.9 FM RADYO NATIN Calapan City. Mapapanood live streaming at Youtube chanel.