Miembro ng Concepcion Robbery Group todas sa engkuwentro

Patay ang hard core member ng Concepcion Robbery Group nang makaengkwentro ang mfa otoridad sa isinagawang operasyon sa Libon, Albay.

Kinilala ang nasawi na si Rolly Saysay y Concepcion, pinsan ni Gilbert Concepcion lider ng grupo at hard core member ng Concepcion Robbery Group.

Ayon kay BGen Jonnel Estomo, Regional Dir PRO5, 4:00 ng madaling ng makaengkwentro ng mga Regional Mobile Force Battalion 5 ang ‘di batid na bilang ng mga suspek sa Brgy. Tambo, Libon, Albay.

Ang Concepcion Criminal Group, binuo ni Gilbert Concepcion nang mag-AWOL noong 2010 na sangkot sa robbery, extortion at gun for hire. Nagsilbi rin hit man ng mga pulitiko na nag-o-operate sa Bicol Reguo , Calabarzon at Metro Manila.

Narekiber ng mga oyoridad sa pinagyarihan ng engkwentro ang 1 cal 45 pistol, mga basyo ng iba’t ibang uri ng baril, at mga magazine.

Patuloy ang isinagawang imbestigasyon ng mga otoridad sa naganap na engkwentro.(Mark Obleada)