Empleyado ng MMDA kulong sa kotong

BAGSAK sa kulungan ang isang empleyado ng Metropolitan Manila Development Authority (MMDA) dahil sa kasong pangongotong sa Pasig City.

Kinilala ang nadakip na si Jomar Palata, 40 anyos, nakatalaga sa Office of the Assistant General Manager for Operations ng MMDA.

Sa imbestigasyon, nabatid na nagpanggap bilang law enforcement personnel ng Land Transportation Office si Palata at nanghihingi ng isang daan libong piso (P100,000) sa isang negosyante kapalit ng hindi paghuli sa kanyang commuter vans.

Mahaharap si Palata sa mga reklamong robbery extortion, grave coercion, at usurpation of authority.