BBM TINIYAK MAIGTING NA PAGLABAN SA KORAPSYON

SINISIGURO ni President-elect Ferdinand Bongbong Marcos Jr., na kaniyang mas titignan ang paglaban kontra sa kurapsiyon sa ilalim ng kanyang administra-syon.

Sa presscon ni Press Secretary-designate Atty. Trixie Cruz-Angeles na sa pahayag ni Marcos Jr., na walang puwang ang katiwalian sa gobyerno kaya tila nakakalungkot isipin na nakatatak na umano ito sa pamahalaan.

Giit pa niya na hindi naman na aabot na kailangan palitan lahat ng mga kawani sa mga ahensya dahil sa katiwalian kaya lang kung kinakailangan ay gagawin niya ito.

Kung patuloy ang kalakaran hindi magiging matagumpay ang Pilipinas dahil sa korapsyon sa mga ahensya ng gobyerno. (Vanz Fernandez)