Isla sa El Nido tinangkang sakupin, 26 huli

Napigilan ng mga awtoridad ang tangkang pagkubkob sa isang isla sa El Nido, Palawan nitong buwan.

Sinabi ni El Nido Police acting chief Rex Vilches, sinubukang i-takeover ng mga miyembro ng H-World United Nation Military Philippines Government ang Tawtawan Island sa Sitio Lagpan, Barangay New Ibajay noong Hulyo 4.

Natalo ng nasabing pseudo-military group ang security guard pati na mga empleyado ng isang resort sa isla.

Ayon kay Vilches, na mabuti na lamang may nag-report sa kanila na isang indibiduwal tungkol sa security guard nila na kinunan ng baril.

Naaresto ang mga suspek noong Hulyo 5 habang pinaghahanap pa ang 14 sa kanila.

Nabuwag na ang H-World sa ilalim ng administrasyon ni dating Pangulong Fidel V. Ramos.

Pinamunuan ito noon ng pumanaw na aktor na si Royette Padilla, kapatid ni Senador Robin Padilla.