Presyo ng pandesal balik na sa normal

BALIK na sa normal ang presyo ng pandesal sa gitna ng pagtaas ng presyo ng mga bilihin.

Sinabi ni Lucito “Chito” Chavez, Pangulo ng Asosasyon ng Panaderong Pilipino, batid nilang hindi kakayanin ng mga konsyumer ang pagtaas ng presyo ng pandesal kung kaya’t hindi magdadagdag ng presyo ang mga panaderya.

Sinubukan aniyang gawing P3.00 hanggang P4.00 ang presyo ng pandesal pero hindi umano nabebenta ang mga tinapay.

Gayunpaman, mas maliit na ang mga nabibiling pandesal kumpara dati dahil problema rin ng mga magtitinapay ang pagmahal ng asukal.

Samantala, isinusulong ng grupo ng mga panadero ang paggamit ng coco flour, na mas mura kumpara sa wheat flour.