Advertisers

Advertisers

Panukalang “Scholarship at Return Service Program,” solusyon para sa kakapusan ng nursing students sa bansa — ANAKALUSUGAN Party-list

0 198

Advertisers

KOMPIYANSA si ANAKALUSUGAN Party-list Rep. Ray Reyes na ang pagkakaroon ng Scholarship at Return Service Program para sa mga nursing students ang s’yang magbibigay daan bilang isang “win-win solution” at upang matugunan nito ang kakapusan ng mga nurses sa bansa.

Matutulungan din ng programa na mapalakas pa ang kasalukuyang bilang ng mga active registered nurses sa Pilipinas.

“This is a win-win solution. Our proposed scholarship scheme will definitely help those who wish to take up nursing in college and pursue it as a profession. The return service program, meanwhile, will develop our healthcare human resource to meet the needs of our citizens and ensure the adequacy of registered nurses in the country,” ani Rep. Reyes.



Giit ng mambabatas, nakakaalarma aniya ang mababang bilang ng mga active registered nurses sa kasalukuyan bukod pa rito ang nais ng karamihan na magtrabaho sa ibayong dagat na dapat matugunan ng pamahalaan.

Batay sa datos ng Professional Regulatory Commission (PRC), nitong March 24, 2023, mayroon lamang na 53.55% mula sa bilang na 951,105 registered active nurses sa bansa.



“The government must ensure that there is an adequate amount of health care workers at any given moment, in any municipality or community in the country. Additionally, the health and welfare of these health care workers must also be a priority,” dagdag pa ng mambabatas.

Batay naman sa pagtaya ng Department of Health (DOH), mula sa buwan ng Oktubre 2022, na mayroong kakapusan sa bilang ng mga nurses na aabot lamang sa 106,000 active nurses sa bansa.



Bilang tugon, agad na isinulong ni ANAKALUSUGAN Party-list Rep. Ray Reyes ang House Bill No. 6631 o ang “Nursing Scholarship and Return Service Program Act,” na s’yang tutugon na mabigyan ng scholarships para sa mga deserving students mula sa state universities and colleges ganoon din mula sa private higher education institutions sa rehiyon na kumukuha ng bachelor’s degree in nursing.