MGA KABATAANG PINOY, IBINIDA NI PBBM SA ASEAN YOUTH
Advertisers
IBINIDA ni Pangulong Ferdinand Marcos Jr. ang naging partisipasyon ng mga kabataang Pilipino sa mga hakbang ng pamahalaan na tugunan ang epekto ng climate change.
Ginawa ito ng Pangulo sa kanyang pagdalo sa pag-uusap kasama ang mga kinatawan ng ASEAN Youth.
Sa nasabing aktibidad, inilahad ni Pang. Marcos ang potensyal ng mga kabataan upang manguna sa pagsulong ng pagbabago sa rehiyon.
Kasabay nito, hinimok din ng Presidente ang ibang kasaping bansa sa ASEAN na sundan ang halimbawa ng mga kabataang Pilipino sa pangangalaga sa kalikasan.
Tuwing ika-25 ng Nobyembre ay pinangungunahan ng sektor ang paggunita sa taunang ASEAN Youth in Climate Action and Disaster Resilience Day. (GILBERT PERDEZ)