PBBM dadalo sa APEC Summit sa Amerika

KINUMPIRMA ng Department of Foreign Affairs (DFA) na tutulak patungong Estados Unidos si Pangulong Ferdinand Marcos Jr. sa susunod na linggo para dumalo sa Asia-Pacific Economic Cooperation (APEC) Summit sa San Franscisco, California.

Sa press briefing sa Malacañang, sinabi ni DFA Usec. Charles Jose na inaasahang isusulong ni Pangulong Marcos sa summit ang interes ng Pilipinas, partikular sa hanay ng food security, research and development, climate change, at iba pa.

Kasama naman sa pulong-balitaan si DTI Foreign Trade Service Corps Executive Director Althea Karen Antonio Executive Director.

Ang APEC Leaders’ Meeting ay magsisimula sa Nobyembre 15 at matatapos naman sa Nobyembre 18.

Aniya, magkakaroon din si PBBM ng bilateral meetings sa ilang APEC leaders at members pero hindi aniya maaaring banggitin kung sinu-sino ang mga lider na makakapulong ng presidente at kung kailan magaganap ang mga ito. (Gilbert Perdez/Vanz Fernandez)