Yassi at dyowang si Gov. Luigi, sa Vietnam nag-New Year; Angelica madumi ang kuko sa araw ng kasal

Ni JOVI LLOZA

SAKTONG New Year nang inilantad na ni Yassi Pressman ang rumored bf nito na si Gov. Luigi Villafuerte ng CamSur.

Sa pagbabahagi ni Yassi sa kanyang socmed account ay ipinakita nito sa kanyang followers at all over the world ang kanyang bf na isang politician.
Dagdag tsika pa ay sa Vietnam nag celebrate ng New Year sina Yassi at Luigi.
Marami namang nagtaas ng kilay sa ginawang pag-amin ni Yassi.
Inilantad na nga raw ng aktres si Luigi kaya may mga nagtatanong na netizens kung ano nang estado ng pag-ibig ng dalawa.

Sa kabila ng paglalantad at laging magkasama sa pag-amin ni Yassi, wala pa raw label ang kanilang relasyon kaya napataas ang kilay ng mga netizen.
Wala pa raw label, owww!?

***
SA nakaraang taon, December 31 ay ikinasal na si Angelica Panganiban sa kanyang lovey dovey na si Greg Homan.
Napaka-pretty naman ni Angelica nung araw ng kanyang kasal na di napansin ng netizens.
Mas napansin ng nerizens ang kuko ni Angelica.

Napa-yakk at nadugyutan daw ang netizens na nakapuna sa kuko ni Angelica sa araw ng kanyang kasal.
Ilang netizens ang napa-zoom sa kuko ni Angelica at halos lahat sila ay nagkamaling madumi ang kuko ng aktres.

Isang uri pala ito ng nail art or nail design na mukhang madumi.
Well, well, well… ‘Yun na!