PBBM SINISI ANG FENTANYL SA PAG-AKUSA NI DUTERTE NA DRUG ADDICT SIYA!

SINISI nitong Lunes ni Presidente Ferdinand Marcos, Jr. ang fentanyl sa pag-akusa sa kanya ni dating Presidente Rody Duterte na gumagamit siya ng iligal na droga.

Sa media interview bago siya lumipad patungong Vietnam, sinabi ni Marcos Jr. na ang fentanyl ay “highly addictive with serious side effects.”

Sinabi ito ng Pangulo isang araw matapos ulitin ni Duterte na siya’y isang drug addict.

“PRRD has been taking the drug for a very long time now. When was the last time he told us that he was taking fentanyl? Mga 5, 6 years ago? Something like that,” ani Marcos Jr.

“After 5, 6 years it has to affect. Kaya palagay ko kaya nagkakaganyan. I hope his doctors take better care of them, hindi pinapabayaan itong mga nagiging problema,” dagdag ng Pangulo.

Nang tanungin kung categorically niyang itinatanggi ang sinabi ni Duterte, tumawa lamang ang Pangulong Marcos Jr. at sinabing: “I won’t even dignify the question.”