Lalaki nakipamyesta pinugutan ng ulo

NATAGPUANG pugot ang ulo ng isang lalaki na naki-fiesta lang at nakipag-inuman bago ang krimen sa Negros Occidental.

Kinilala ang biktima na si Joel Lacao-lacao, 30 anyos.

Sa ulat, natagpuan ang katawan ng biktima sa tubuhan sa Barangay Poblacion Dos, Sagay City noong Linggo.

Hindi pa natatagpuan ang kanyang ulo.

Iniimbestigahan na ng awtoridad kung sino ang nasa likod ng krimen at mga nakasama ng biktima.