Alex Eala tumapak sa No. 169 sa WTA singles rankings

MULING nagtala ng career-high single rankings si Alex Eala umakyat sa No. 169 sa Women’s Tennis Association (WTA) tumalon ng tatlong baitang mula sa No.172 to No.169 ngayong Linggo.

Ang development ay lumabas kahit nabigo sa W175 Bellinzona International Tennis Federation (ITF) tournament sa Switzerland nakaraang Linggo, kung saan nabigo siya straight sets kay Frenchwoman Selena Janicijevic sa first round.

Tinapatan ni Eala, 18 ang kanyang career-high doubles ranking na No.245 matapos manibabaw kasama ang kanyang French partner Estelle Cascino ang W75 Croissy-Beaubourg tournament nakaraang buwan.

Ang top tennis single player ng bansa ay kasalukuyang sumasabak sa Oeiras Ladies Open, na WTA 125 event sa Portugal, kung saan nakatakda siyang makaharap ang Romanian Gabriela Lee sa first round.

Eala at Australian Taylah Preston ay sasabak rin sa doubles, kung saan nakatakda na makasagupa ang Spaniard Nuria Parrizas-Diaz at Frenchwoman Leolia Jeanjean.