2 BUCOR OFFICIALS, BINIGYAN NG PARANGAL

DALAWANG opisyal ng Bureau of Corrections (BuCor) ang binigyan ng parangal para sa kanilang mga kahanga-hangang nagawa at outstanding contributions sa Bureau sa tradisyonal na Monday flag-raising ceremony na ginanap ngayong araw, August 05, 2024.

Sina CT/CSupt Ma Cecilia V Villanueva, MD, Director, Directorate for Health and Welfare Services, kasama si C/CInsp Eduardo P Gogorza, Acting Director, Directorate for Security and Operations, ay parehong ginawaran ng letters of commendation na nilagdaan ni Director General GREGORIO PIO P CATAPANG JR. para sa kanilang exemplenary leadership at top-notch public service.

Ang mga kontribusyon ni Villanueva ay naging napakahalaga sa pagsusulong ng mga inisyatiba sa kalusugan sa loob ng correctional facilities , na tinitiyak na ang mga Persons Deprived of Liberty (PDLs) ay makakatanggap ng wastong pangangalagang medikal at suporta. Samantala, ang pamumuno ni Gogorza sa pangkalahatang mga operasyong panseguridad ng BuCor ay may pinahusay na mga safety protocols , na nag-aambag sa isang mas ligtas na kapaligiran para sa mga tauhan at PDLs.

Ang mga papuri ay nagsisilbing pagkilala sa kanilang mga nagawa at inspirasyon para sa mga tauhan ng BuCor na magsikap para sa kahusayan sa kani-kanilang tungkulin. Patuloy na binibigyang-diin ng Kawanihan ang kahalagahan ng matatag na pamumuno at dedikadong serbisyo sa mandato nitong reporma at rehabilitasyon mula sa pangangalaga nito. (JOJO SADIWA)