5 kilos shabu nasabat sa Mindoro

NASABAT ng mga operatiba ng Philippine Drug Enforcement Agency (PDEA) at National Bureau of Investigation (NBI) sa MIMAROPA ang halos 5 kilo ng shabu sa drug buy-bust operation sa Barangay Sagana, Bongabong, Oriental Mindoro noong Lunes, September 16.

Naaresto sa operasyon ang mag-asawang matagal nang sinusubaybayan ng mga awtoridad.

Kasama rin sa operasyon ang Bongabong Municipal Police Station.

Ayon kay PDEA MIMAROPA Director Jet Cariño, aabot sa P34-million ang halaga ng shabu na nasamsam ng mga operatiba sa operasyon.

Ito aniya ang pinakamalaking nasabat nilang shabu sa rehiyon.