ORIENTAL MINDORO ISAILIM SA STATE OF CALAMITY

LUNGSOD NG CALAPAN, Oriental Mindoro — Isasailalim sa state of calamity ang lalawigan ng Oriental Mindoro matapos ang pananalasa ng Severe Tropical Storm Kristine na nagdulot ng pagkalugmok sa mga residente sa pagbaha, pagguho ng lupa, mga nasirang bahay, mga nasirang protection dike, mga natumbang puno at power outages.

Sinabi ni Provincial Disaster Risk Reduction and Management Office (PDRRMO) head Vinscent Gahol na hinihintay na lamang nila ang pirma ng mga miyembro ng PDRRM Council bago pormal na ideklara sa ilalim ng state of calamity ang lalawigan.

“The declaration is technically approved by the Sangguniang Panlalawigan (SP, or Provincial Board) on Friday but it will be released on Monday waiting for the signatures of the PDRRMC members,” Gahol said in a message.
Sinabi ni Gahol na sa pag-alis ng bagyong Kristine sa Philippine area of responsibility, tinatayang nasa P212.717 milyon ang pinsala at pagkalugi sa agrikultura, kung saan ang malaking bahagi ng mga lupain ay natamnan ng mga palay na lumubog sa tubig-baha at ang mga punong namumunga ay natutumba ng malakas na hangin.

Sinabi rin ng provincial engineer na si Edylou Tejido na tinatayang nasa P180 milyon ang pinsala sa imprastraktura, na may ilang bahagi ng national at provincial roads na naguho, at mga tulay na nasira ng tubig-baha.

Sinabi ni Tejido na isang bahagi ng walkway sa White Beach sa Puerto Galera ang nawasak ng malalakas na alon, nasira rin ang mga kalsada sa bayan ng Pola, Mansalay at Socorro, at isang protection dike sa bayan ng Pinamalayan. (RONALD BULA)