Mag-asawa patay, anak sugatan sa salpukan ng motorsiklo at van

Nasawi ang mag-asawa at sugatan ang anak na babae nang sumalpok ang sinasakayn motorsiklo sa van sa Sipalay City Negros Occidental, Sabado ng umaga.

Kinilala ang mga nasawi na sina  Jerom Erosido, 34-anyos; at Elpidia, ng Brgy. Camindagan, Sipalay City.

Samantala nilalapatan naman ng lunas sa ospital ang sugatan na si Ana Rose Erosido, 18- anyos, ng nasabi rin lugar.

Nasa kustodiya  ng pulisya ang driver ng Hi Ace Grandia na si Iven Demogena, 41-anyos, ng Brgy. 2 Poblacion, Sila City.

Sa report, 7:30 ng umaga nang maganap ang aksidente sa Sitio Canlayuhan, purok Mani, Brgy Gil Montilla, Sipalay City Negros Occidental.

Nabatid na sakay ang mga biktima ng isang motorisklo na binabagtas ang kahabaan ng Brgy. Gil Montilala nang tangkain ni Jrom na mag-overtake sa tricycle sa pakurbadan daan.

Hindi na umano naiwasan ng van na mimamaneho ni Demogena ang paparating sa motorsiklo at sumalpok ito.

Dinala ang mga biktima sa ospital nguni’t kapwa binawian ng buhay ang mag-asawa sugatan ang anak na babae at wala naman nasaktan sa sakay ng van.

Patuloy ang isinagawang imbestigasyon ng mga otoridad kaungay ng nasabing insidente.(Mark Obleada)