KANDIDATONG MAYOR, 1 PA TIMBOG SA KOTONG

INARESTO ang isang mayoral aspirant at kasabwat nito sa pangingikil umano ng P4 milyon sa alkalde ng Talisay City, South Cebu.

Kinilala ang inaresto sa alias “Roger”, radio commentor ng DYRP online radio, mayoral aspirant para sa May 2025 polls; at assistant nito na si alias “Joselito”.

Ayon kay Brigadier General Nicolas Torre II, direktor ng Criminal Invetisgation and Detection Group, 2:30 ng hapon nang magsagawa ng entrapment operation ang pinagsanib na mga elemento ng CIDG Regional Field Unit 7 at Talisay City Police sa isang coffee shop sa Barangay Swaan 2, Talisay City.

Nabatid na tinawagan ng suspek si incumbent Mayor Gerald Anthony Gullas, Jr. at naghihinging ng P4 million kapalit ng hindi pagbubunyag ng mga katiwalian at pagbabawi sa kanyang candidacy sa darating na election.

Dahil dito, humingi ng tulong si Gullas sa mga otoridad. Inaresto ng mga operatiba ang suspek nang tanggapin ang mark money. Narekober sa mga suspek ang 10 marked P1,000 bills, boodle money na 199 pirasong P1,000 at 8 pirasong P500 bills, at IDs.

Kasalukuyang nasa kustodiya ng CIDG Regional Filed Unit ang mga suspek habang inihahanda ang kasong Robbery Extortion.(Mark Obleada)