Motorcycle taxi group nagsagawa ng public consultation sa LTO

Upang pakinggan ang kanilang hinaing nagsagawa ng nationwide public consultation ang pinakamalaking motorcycle taxi group sa bansa na Angkas at ang AngKasangga Party-list

Ito ay para pakinggan ang hinaing ng mga moto taxi at pati na ng mga pasahero.

“This consultation is just the beginning as we call for a continued nationwide holding of this kind of event,” pahayag  ni Angkas CEO at AngKasangga nominee George Royeca.

Nabatid na dumalo sa public consultation ang daan-daang riders, leaders ng riders’ group at  moto taxi operators.

Kaugnay nito isinagawa ang public consultation sa pakikipagtulungan na rin sa Land Transportation Office (LTO) at Department of Transportation (DOTr).

“We are always ready to work with the LTO, DOTr, and other related government agencies to create meaningful solutions that would uplift motorcycle riders cause while ensuring a safer and more efficient transport system for the commuters,” pahayag ni Royeca.

Samantala pangako ni Royeca oras na mahalal sa Kongreso, hindi lamang ang pangangailangan ng riders sa Metro Manila ang tutugunan ng  AngKasangga kundi maging ang mga riders sa buong bansa.

Ipaglalaban ni Royeca ang karapatan at kung paano mapangangalagaan ang hanapbuhay ng nga riders pati na ng mga tricycle drivers at operators.

“We will bring government services down to the people in the provinces to discuss burning issues affecting all concerned sectors, especially the riders,” pahayag ni Royeca.

Isusulong ni Royeca na mabigyan ng benepisyo ng gobyerno ang mga riders gaya ng ibang mga empleyado.

“We would work that all of them must become legit employees with regular government benefits, no more informal workers,” pahayag ni Royeca.

Isusulong din ni Royeca ang kapakanan ng mga pasahero.  (Boy Celario)