Sec. Lagdameo suportado ng MNLF

Nagpahayag ng suporta ang Moro National Liberation Front (MNLF) sa pangunguna ni Vice-Chairman Ustadz Abdulkarim Tan Misuari, kay Special Assistant to the President Secretary Antonio Ernesto F. Lagdameo, Jr., sa kamakailan panawagan ni Pangulong Ferdinand R. Marcos, Jr. para sa lahat ng mga opisyal ng Gabinete na magsumite ng kanilang courtesy resignation.

“Ako, si Ustadz Abdulkarim Tan Misuari, Vice-Chairman at Concurrent Acting Chairman ng Moro National Liberation Front, nagpapahayag ng aming walang patid na suporta kay Secretary Antionio Ernesto F. Lagdameo, Jr., Special Assistant to the President.”

Anila, mula sa pagkakatalaga ni Lagdameo noong 2022, naging mahalaga at matatag na ang presensya sa proseso ng kapayapaan ng Pamahalaan ng Pilipinas-MNLF. Hindi seremonyal ang kanyang tungkulin kung hindi substantibo.

Sinabi pa ng MNLF na aktibo si Lagdameo na magbigay ng pangangasiwa at patnubay sa pagpapatupad ng 1996 Final Peace Agreement sa pamamagitan ng GPH-MNLF Peace Implementing Panel at sa pagpapalakas ng ugnayang institusyonal sa pagitan ng pambansang pamahalaan at ng Bangsamoro Autonomous Region in Muslim Mindanao (BARMM). Nagpakita si Lagdameo ng pambihirang kaalaman sa kontekstong pampulitika at historical context ng pakikibaka ng Bangsamoro at tumulong sa pagtulay ng patakaran at kasanayan sa mga paraan na nagpaparangal sa titik at diwa ng kapayapaan.

Higit pa sa prosesong pangkapayapaan, ang pamumuno ni Kalihim Lagdameo bilang Special Assistant ng Pangulo, nakitaan ng kahusayan, lakas, at pamamahalang may pag-iisip sa reporma. Pinangasiwaan ni Special Assistant ang executive coordination na may kakayahan, inter-agency collaboration, at gumanap ng mahalagang papel sa pagpapatatag ng mga operasyon ng Gabinete sa mga kritikal na yugto ng administrasyong Marcos. Ang kanyang kakayahang magbigay ng tamang paghuhusga at pagpapatuloy ng Office of the President at nakakuha ng paggalang ng marami – kabilang na kami sa MNLF.

Sa panahon ng political transition, hinihimok ng MILF ang pagpapanatili ng pagpapatuloy at karunungan sa loob ng President’s circle of advisers.

Nangangailangan ng matatag na mga kamay at pinagkakatiwalaang mga kaalyado ang patuloy na proseso ng kapayapaan sa Bangsamoro. At isa na rito si Secretary Lagdameo.

Ipihayag pa ng MNLF ang kanilang pagtitiwala sa patuloy na paglilingkod ni Secretary Lagdameo
Magalang naming ipinapahayag ang aming pagtitiwala sa patuloy na paglilingkod ni Kalihim Lagdameo sa Republika at sa mamamaya ng Bangsamoro, at nananatili kaming umaasa na ang kanyang karunungan at pangako sa kapayapaan na mananatiling mahalaga sa pamumuno ng administrasyong Marcos.