MARIAN RIVERA INSPIRASYON NI JESS MARTINEZ KAYA NAG-ARTISTA

Ni ROMMEL GONZALES

MAY karanasan ba si Jess Martinez noong bata siya na naging inspirasyon niya para pasukin ang showbiz?

“Childhood memory? Well actually, a little bit of background, wala pong nasa industry na family ko. “They’re all in the business side, industry. So, it really was my own decision to enter the showbiz industry, pero even before po kasi nanonood… mayroon kasi kami TV sa house and nanonood kami ng mga teleseryes, like Mari Mar, yung mga ganun po and also, hindi lang naman din GMA, nanonood din kami ng ABS.

“So, parang dun sabi ko, I want to become a star one day, I want to be seen on television and to express my emotions and my craft as well.”

Idolo ni Jess si Marian Rivera.

“I really, really look up to Miss Marian kasi she’s really a great actress and along with her po, I really love Miss Heart Evangelista din because of how she dresses up and shows herself.”

Nagkataon naman na ang manager ngayon ni Jess, si Rams David ng Artist Circle talent management ay naging malaking bahagi ng career ni Marian; naging manager din ni Marian si Rams.

Pagpapatuloy ni Jess…

“So, I started po last year. I signed a contract with Artist Circle February 6, pero I started my taping June 13, which was Abot Kamay na Pangarap po and then I… 4 months po ako doon and along… and while doing that film, I also did Regal Studios: Queen Brother and then after that, I did a guesting with Pepito Manaloto din po.

Hindi makakalimutan ni Jess na naging bahagi siya noon ng toprating serye ng GMA, ang Abot Kamay Na Pangarap ni Jillian Ward.

Gumanap si Jess doon bilang pamangkin ng karakter ni Wilma Doesnt na alaga rin ni Rams.

“Yung pinaka-memorable sa akin talaga is Abot Kamay na Pangarap, kasi 4 months po ako doon, so mas strong na yung foundation na na-build ko doon.

“Yung pinaka-memorable sa akin would be whenever I have scenes with Miss Wilma, kasi siya po yung ka-scene ko most of the time kasi she’s my tita there and then whenever nagkakamali ako, she would tell me kung saan ako nagkamali.

“Tapos… kasi mayroon akong mannerism na parang ngumunguso ako whenever I’m like kabado. So sinasabihan niya ako na, ‘Oy, ngumunguso ka na naman, pangit tingnan sa screen!’

“So she would really help me out. So iyon yung pinaka-memorable sa akin.”

May mga natutunan na si Jess pagdating sa pag-arte sa harap ng kamera mula sa iba-ibang TV shows na nagawa na niya.

“Actually, iba-iba naman po yung… yung natutunan ko sa Abot Kamay na Pangarap, kasi halos lahat po doon senior stars talaga.

“Yung first ko na taping was with Miss Carmina Villaroel, talagang nanginginig po ako noon. Sabi ko… isa lang yung line ko doon, ang line ko doon, as far as I can remember is, ‘Hi, I’m Diwata, Diwa for short.’

“Pero yung linya lang na yun, talagang kabado ako 100 times. Sabi ko po sa utak ko, ‘Oh my God, dapat hindi ka magkamali kasi kasama mo dito si Miss Carmina, nakakahiya, baguhan ka kung magkamali ka’.

“So natutunan ko doon, dapat mabilis ka talaga mag-catch up, presence of mind, kasi kunwari iyon yung binigay na script sa iyo, wala pa rin assurance na iyon yung magiging script mo, kasi puwedeng baguhin, puwedeng tanggalin.

“So dapat you’re always in the moment, iyon yung natutunan ko talaga when it comes to acting.

“Kasi when I did my workshop, hindi ganun kabilis yung process. Parang bibigyan kami ng one week and then after a week, saka kami ipapag-acting, pero doon pala yung reality na kailangan mabilis ka and at the same time, hindi din naituro sa akin ng workshop yung camera angle and then doon, while on set, hindi na siya tinuturo.

“Dapat you know the camera, so kapag alam mo each camera, so yun din yung natutunan ko doon.

“Kasi at the end of the day, ikaw lang yung makakatulong at makakatulong sa sarili mo. Hindi mo naman puwedeng tanungin lahat ng bagay, you need to be observant and i-apply yung mga learnings mo right away.”

Ang aktres na si Shyr Valdez ang unang nakakilala kay Jess at nagrekomenda kay Rams, talent din ni Rams si Shyr.