P100k reward sa makapagtuturo sa pumaslang sa 3 goat dealers

May alok na P100,000 pabuya ang lokal na pamahalaan ng Calatagan, Batangas para makapagbigay ng impormasyon sa suweldo ng pagpapaslang sa tatlong goat dealer.

“Upang tumulong sa agarang pagresolba ng krimeng ito at para mabigyan ng hustisya ang mga salarin, itinuturing ng Munisipyo ng Calatagan na nararapat na mag-alok ng reward na P100,000 sa sinumang taong makapagbibigay ng anumang kapani-paniwala at mapatunayang impormasyon na humahantong sa pag-aresto at pag-uusig sa mga responsable,” saad ng Calatagan LGU.

Matatandaang nahukay ang bangkay ng mga biktima na sina John Luis Agquiz Olarte, Gerry Aducon Olarte, at Ronald Rabino Alumno na pawang mga residente ng Calatagan, Batangas, sa isang rubber plantation sa Maguindanao del Sur noong Mayo 30.

Una silang naiulat na nawawala noong Mayo 11 na magde-deliver lamang sana ng mga kambing sa Maguindanao.