1 nalitson ng buhay sa sunog sa QC

Nasawi ang isang lalaki at ilang residente ang nawalan ng tirahan nang sumiklab ang sunog sa isang apartment sa Barangay San Martin de Porres, Quezon City nitong Miyerkoles, Hunyo 25.

Ayon sa Bureau of Fire Protection (BFP), nangyari ang sunog sa dalawang palapag na paupahan 2:00 ng madaling-araw.

Agad itong itinaas sa unang alarma at idineklarang fire under control matapos ang 30 minuto.
Isang lalaki naman ang natagpuang patay sa kanyang kama sa ikalawang palapag at inaalam pa ang pagkakakilanlan nito.

Patuloy namang iniimbestigahan ng BFP ang halaga ng pinsala at sanhi ng sunog.(Boy Celario)