Partial list ng ‘gabinete’ ni Mayor Isko sa Manila

INILABAS na sa publiko ang partial list ng Manila City Hall department heads sa ilalim ng administrasyon ni incoming Manila Mayor Francisco ‘Isko Moreno’ Domagoso.

Sa unang inilabas na listahan, kasama si dating Presidential Communication Office Secretary Cesar Chavez sa magiging opisyal ng bagong liderato ni Domagoso na kakatawan bilang Chief of Staff (COS)
Si Chavez ay dati naring COS ni Domagoso noong siya ay nanungkulan bilang alkalde ng lungsod noong 2019.

Magiging Secretary to the Mayor naman ang dating konsehal na si Manuel ‘Letlet’ Zarcal.

Si Atty. Wardee Quintos ang itatalaga sa Office of the City Administrator.

Magsisilbi naman bilang Manila Public Information Office (Manila PIO) si E-Jhay Talagtag.

Sa Public Employment Service Office (PESO) ilalagay si Hiroshi Umeda, at Dale Evangelsita sa Manila Sports Council.

Magbabalik sa Manila Department of Social Welfare (MDSW) si Jay dela Fuente na dati naring hinawakan ang nasabing departamento sa panahon ng yumaong dating Manila Mayor Alfredo Lim.

Papalitan naman ni Cristal Bagatsing bilang head ng Department of Tourism Culture and Arts of Manila si Charlie Dungo o kilala bilang si ‘Mama Cha’.

Inaasahan na sa susunod na mga araw ay ilalatag na ang buong listahan ng mga departtment heads sa administrasyong Domagoso. (Jocelyn Domenden)