Tulak timbog sa P306k shabu sa Caloocan

Nalambat ng pulisya ang isang drug suspect nang kumagat sa ikinasang buy- bust operation, Biyernes ng umaga sa Caloocan.

Sa ipinadalang ulat kay Northern Police District Director PBGen. Arnold E. Abad ni District Drug Enforcement Unit (NPD-DDEU) sa pamumuno ni PCapt.Regie B. Pobadora, naganap ang buy-bust operation sa Barangay 8, Caloocan City.

Kinilala ang suspek na si alias “Joy,” 48, ng Barangay 70, Caloocan City.

Sa report, 5:46 ng umaga ng maaresto ang suspek na may koordinasyon ng Philippine Drug Enforcement Agency.

Nasamsam sa suspek ang 45 grams ng shabu na may Standard Drug Price (SDP) na P306,000.00.

Sasampahan ang suspek ng kasong paglabag sa Sections 5 and 11 of Article II of Republic Act 9165 o.ang Comprehensive Dangerous Drugs Act of 2002 na sasailalim sa inquest proceedings sa City Prosecutor’s Office.(Beth Samson)