Barilan sa loob ng presinto: 2 patay, 1 grabe

NAMATAY ang isang pulis Cavite habang kritikal ang isa pa  nang barilin ng suspek  na kalalabas lang sa Iwahig  at namatay din  matapos nitong agawin ng service firearm ng isa sa kanila sa Carmona Cavite Miyerkules ng umaga.

Kapwa isinugod sa  ospital  ang biktimang si PMSg Joel Mendoza at PSSgt Joseph Martin Fabula, kapwa nakatalaga sa Carmona Component City Police Station dahil sa tama ng bala sa katawan  subalit binawian ng buhay sa Mendoza

Namatay din ang suspek na si alyas Oliver, 29, tubong Basilan.

Sa ulat,  inaresto umano  ang suspek sa kasong Trespassing  at dinala sa Carmona Component City Police Station 9:20 kahapon ng umaga.

Pero pagdating sa presinto, sa hindi nabatid na dahilan ay tumanggi umano ang complainant na magsampa  ng kaso laban sa suspek.

Subali’t bigla umanong inagaw ng suspek ang baril ni Mendoza kaya nagpambuno ang dalawa  at nagresulta sa kanyang pagkakabaril at tinamaan din si  Fabula. May tatlong tama rin ang suspek.

Wala pang malinaw na detalye kung bakit nang-agaw ng baril ang suspek na bagong laya sa Iwahig Prison and Penal Farm nitong June 28.

Narekober sa lugar ang isang Glock 9mm caliber na issued firearm kay Mendoza

Patuloy ang isinasagawang imbestigasyon. (IRINE GASCON)