BLESSED Movement Chairman, pinasinayaan ang “West Philippine Sea Wall of Painting”

Pinasinayaan nina BLESSED Movement Chairman at Founder Herbert Antonio Martinez at National Youth Commission Chairperson Jeff Ortega ang “West Philippine Sea Wall of Painting” na may titulong Kulayan ang Karagatan: Kabataan Para sa West Philippine Sea sa kahabaan ng A. Bonifacio Avenue, La Loma, Quezon City.

Layunin ng collective murals na ipagdiwang ang patriotismo at itaas ang kamalayan sa karapatan at soberanya ng Pilipinas sa West Philippine Sea. Pinasalamatan din ni Chairman at Founder Herbert Martinez si Chairman Emeritus Dr. Jose Antonio Goitia sa patuloy na adbokasiya at inspirasyon sa mga kabataan at mga civic groups Kasama Ang Filipino Do Not Yield (FDNY)Movement, ABKD, LIPI, PADER na nagpapahayag ng pagkondena sa patuloy na panggigipit ng China sa West Philippine Sea. (BONG SON)