Mga bida ng “I’m Perfect”, brand endorsers na

Ni ARCHIE LIAO

Nakakatuwa naman na hindi pa man ipinalalabas ang pelikulang “I’m Perfect” ay pinagkatiwalaan na ang sampung cast members na may Down Syndrome ng CEO ng Nailandia Corporation na si Noreen Divina para maging brand endorsers.

Ani Ms. Noreen, sobra raw ang pananalig niya sa cast ng nasabing obra ni Sigrid Andrea Bernardo kaya kinuha niya ang mga ito para i-promote ang kanyang brand.

Dagdag pa niya, isa raw sa adbokasya ng kumpanya niya ang maisulong na mabigyan ng espasyo o spotlight ang mga talentadong special children sa komunidad.

“When I was first asked if the cast of I’m Perfect—most especially the new actors with Down syndrome—could be endorsers of NAILANDIA, I didn’t hesitate. I said yes right away,” aniya. “NAILANDIA has long stood for advocacy: helping abandoned elders and children, supporting teachers, and reaching out to people in need. Embracing individuals with Down syndrome felt natural and right. It was never about money. It has always been about NAILANDIA’s long-standing commitment to inclusivity, compassion, and purpose,”dugtong niya.
Hirit pa niya, sobra rin daw naantig ang kanyang kalooban sa nakita niyang kasiyahan ng nasabing special children sa contract signing.

“What I didn’t expect was how deeply this afternoon’s endorsement signing would move me. Watching these incredibly talented children sign their own contracts gave me literal goosebumps. One by one, they proudly wrote their names, and with each signature, the room grew quieter—and more emotional. Tears flowed freely. We cried because their love is genuine, pure, and unconditional. They reminded us of what truly matters.We are beyond grateful and honored to welcome them into the NAILANDIA family. We feel incredibly blessed.This is their very first endorsement and I know there will be a lot more brands who will follow,” bahagi ng pahayag niya.

Natutuwa rin ang magaling at award-winning actress at film producer na si Sylvia Sanchez sa break na ipinagkaloob sa kanyang sampung angels kung saan siya ang tumatayong manager.

“Deserved nila iyan. Marami pa tayong plano sa kanila. Actually, magkakaroon pa nga sila ng fashion show,” bulalas niya. “Hopefully, this is just the beginning na ma-recognize sila,”dugtong niya.

Ang contract signing ay tinampukan ng mga bida sa pelikula na sina Earl Jonathan Amaba at Anne Krystel Daphne Go. Kasama rin sa pumirma ng kontrata ang iba pang cast members ng pelikula na may Down Syndrome.

Ang “I’m Perfect” ay tumatalakay sa mga pinagdadaanan ng mga taong may nabanggit na kundisyon.

Kasama rin sa cast ng movie sina Lorna Tolentino, Janice de Belen, Joey Marquez, Tonton Gutierrez, Zaijian Jaranilla, Joel Saracho, Viveka Rabanes at Myke Salomon.

Iprinudyus ng Nathan Studios, ang pelikulang may kurot sa puso ay kalahok sa Metro Manila Film Festival na mapapanood na sa mga sinehan sa buong bansa simula sa Disyembre 25, Araw ng Pasko.