Mga pugante masasakote rin – Palasyo

NILINAW ng Malakanyang na walang pagkadismaya na nararamdaman si Pangulong Ferdinand Marcos Jr. sa patuloy na pagtatago ng ilang pugante sa ibang bansa.

Ginawa ni Palace Press Officer Usec. Claire Castro ang pahayag matapos mapaulat na nagtatago pa rin si dating Cong. Zaldy Co sa isang lugar sa Portugal.

Sinabi ni Castro na batid naman ng Pangulo na ginagawa ng mga ahensya ng gobyerno ang kanilang tungkulin alinsunod sa kanyang direktiba.

Dagdag pa niya, kumpiyansa ang Pangulo na mahuhuli rin at maibabalik sa Pilipinas ang mga nagtatago sa kamay ng batas ngayong taon. (Gilbert Perdez/Vanz Fernandez)