PBBM pormal nang hihilingin sa Kongreso ‘emergency powers’ para mapababa excise tax sa langis

PORMAL nang hihilingin ni Pangulong Ferdinand R. Marcos Jr. sa Kongreso na bigyan siya ng emergency powers para bawasan ang excise tax sa mga produktong petrolyo sa gitna ng patuloy na sigalot sa Middle East.

Sinabi ni Presidential Communications Office (PCO) Undersecretary at Palace Press Officer Claire Castro na ang Department of Energy (DOE) ang gagawa ng kahilingan sa ngalan ng Pangulo.

Nauna nang ipinahayag ng Pangulo ang kanyang intensyon na gamitin ang emergency powers upang bawasan ang excise tax sa mga produktong petrolyo kung ang presyo ng langis ay umabot o lumampas sa US$80 kada bariles.

Kasabay nito, nagbabala ang Malakanyang sa mga profiteers na sinasamantala ang pagkakataong itaas ang presyo ng langis na hahabulin sila ng batas para sa kanilang mga mapanlinlang na aksyon.

Ang panawagan ng Pangulo ay magkaisa tayo kung ano ang nangyayari ngayon sa Middle East. Dapat tayong magkaisa at magtulungan. Hindi tayo magtatagumpay magsagawa ng pababa,” sabi ni Castro.

“At sa mga tao, hindi kayo dapat magsamantala. Ang gusto ng Pangulo ay magtulungan tayo. Kapag kayo ay nagsamantala, meron kayong kalalagyan. Kayo ay madedemanda at maaaring tanggapin kayo ng pagkakataon na kayo ay makapagnegosyo.”

Ayon kay Castro, nagpalabas ng show-cause order ang DOE sa 54 na gasolinahan para matukoy kung may nilabag ang mga ito sa guidelines sa oil price adjustments.

“Kasi kapag nagpakita na sila ay may mga fraudulent acts, maaari silang makansela ng permit sa kanilang mga pagdadala,” sabi pa niya. (Vanz Fernandez)