Higit 300K bariles ng diesel dadating sa bansa ngayon

KINUMPIRMA ng Department of Energy (DOE) ang pagdating ngayong Martes, April 21, ng ikatlong kargo ng diesel na inangkat ng Pilipinas via commercial trader.

Ayon kay Energy Undersecretary Sandy Sales, ang mahigit 300-thousand barrels ng diesel ay dadating bukas sa Subic.

Inanunsyo rin ni Usec. Sales ang pagdating ng ika-apat na cargo ng diesel sa Davao City ngayong Martes.

Habang sa ikatlo o ika-apat na linggo ng Mayo ay dadating din sa bansa ang 21-thousand metric tons ng inangkat na LPG.

Ang naturang langis ay bahagi pa rin ng shipment ng Philippine National Oil Company.