P56.6-M HALAGA NG SHABU, KUMPISKADO NG BOC-NAIA SA NAIA TERMINAL 1, DALAWANG BABAENG PASAHERO ARESTADO
Advertisers
Kinumpiska ang may P56.6 milyong halaga ng shabu ng Bureau of Customs– Ninoy Aquino International Airport (BOC-NAIA) sa isang operasyon sa International Arrival Area ng NAIA Terminal 1 nitong Miyerkules, May 6, 2026, kung saan dalawang babaeng pasahero ang inaresto.
Sa kanyang ulat kay BOC Commissioner Ariel Nepomuceno, sinabi ni BOC-NAIA District Collector Atty. Yasmin Mapa na ang dalawang pasahero ay mula Cambodia.
Ani Mapa, nadiskubre ng Customs authorities ang 8,324 gramo ng shabu na nakatago sa dalawang bagahe, nakapakete sa pouches na gawa sa carbon paper at packaging tape at isinama sa coffee powder, assorted coffee packs at personal belongings, upang hindi ma-detect.
Pinuri ni Nepomuceno ang BOC-NAIA personnel at partner agencies: “This successful interdiction reflects our strengthened border protection measures and sustained coordination with our partner agencies. In line with the directive of President Ferdinand R. Marcos, Jr., we remain firm in our commitment to prevent the entry of illegal drugs and ensure the safety and well-being of the Filipino people.”
Ayon kay Nepomuceno, isinagawa ang operasyon kasama ang NAIA Inter-Agency Drug Interdiction Task Group at Philippine Drug Enforcement Agency (PDEA).
“The confiscated substances will be turned over to the PDEA Laboratory Service for confirmatory examination, while inquest proceedings are being prepared. The arrested individuals will face possible charges in violation of Section 4, Article II of Republic Act No. 9165, or the Comprehensive Dangerous Drugs Act of 2002,” aniya.
Tiniyak naman ni Atty. Mapa na patuloy nilang gagawin ang lahat para proteksyunan ang border ng bansa. (JERRY TAN)