EJ Obiena nakamit ang ginto sa Istaf Berlin

NANGIBABAW ang Filipino pole vault si Ernest John “EJ” Obiena sa ISTAF Berlin sa pamamagitan ng 5.82m na taas sa Olympiastadion sa Germany Lunes ng umaga, Agosto 31 sa Maynila.

“5.82m dito sa Berlin para sa ginto,” isinulat ni Obiena sa isang Instagram post, kasabay ng video niya na nilalagpasan ang nasabing taas.

“Thank you Istaf Berlin for having me. Hope to see you again next year!”

Winalis ni Obiena ang Istaf Berlin ngayong taon, matapos ding maging kampeon sa indoor na kompetisyon noong Marso.

Nakakuha rin ang 30-anyos ng kanyang ika-apat na gintong medalya sa Istaf Berlin sa kabuuan, matapos maging kampeon sa 2023 outdoor meet at 2024 indoor.

Sa kabuuan ngayong 2026, nakakulekta si Obiena ng siyam na gintong medalya habang nagpapatuloy ang kanyang pagbabalik matapos ang hindi masyadong maganda na season noong 2025.

Layunin niyang makapasok sa World Athletics Ultimate Championship na gaganapin mula Setyembre 11 hanggang 13, 2026, sa Budapest, Hungary, sinubukan ni Obiena na lampasan ang 5.97m pero nabigo sa tatlong pagtatangka niya.

Sinabi ni Obiena, na nakapasok sa susunod na World Championships sa pamamagitan ng 5.90m na talon sa Zurich Diamond League noong Agosto 27, na hindi niya gusto kung paano inorganisa ang torneo ngayong taon sa Berlin.

Nagtapos ang Belgian na si Ylio Philtjens sa ikalawang pwesto laban kay Obiena na may taas na 5.72m, tinalo ang ikatlong pwesto ang French na si Robin Emig sa pamamagitan ng countback (mas kaunting pagtatangka).