Hirit ni Romualdez mailipat sa gov’t hospital binasura

Ibinasura ng Sandiganbayan Third Division nitong Miyerkoles ang mosyon ni da-ting Speaker Martin Romualdez na mailipat sa isang government hospital.
Ginawa ni Sandiganbayan Third Division Chairperson Associate Justice Karl Miranda ang anunsyo sa arraignment proceeding ni Romualdez, na dumalo sa pamamagitan ng video conference habang nasa New Quezon City Jail.
Tinanggihan ang mosyon na inihain noong Setyembre 14 dahil sa lack of merit.
Binanggit ni Miranda na si-nabi ng mga doktor sa Philippine General Hospital na stable na ang kondisyon ni Romualdez at hindi na kinakailangang i-confine.
“It must be emphasized that a mere invocation of ill health is not sufficient for the accused’s continued confinement in the hospital,” ani Miranda.
Hiniling ni Romualdez na ili-pat siya sa Veterans Memorial Medical Center sa Quezon City.
“There is no imperative necessity as of now for his transfer in a tertiary hospital,” dagdag ni Miranda.
Noong Setyembre 7, naglabas ang Sandiganbayan Third Division ng warrant of arrest laban kay Romualdez, dating Ako Bicol party-list Rep. Zaldy Co at dalawang iba pa kaugnay ng P7.4 bilyong plunder case.
Halos isang linggo namang na-confine sa ospital ang dating Speaker dahil sa ilan umanong karamdaman bago siya nalipat sa detensyon.