PBBM tinawag na ‘buwaon’ mga nagpapakalat ng akusasyon laban sa administrasyon

TINAWAG ni Pangulong Ferdinand Marcos Jr. na “mga buwaon” o sinungaling ang mga nagpapakalat umano ng akusasyon laban sa kanyang administrasyon.

Ayon kay Palace Press Officer Claire Castro, mismong Pangulo ang tumawag sa kanya upang iparating ang sagot sa mga pahayag ni Vice President Sara Duterte na desperado umano ang administrasyon na pabagsakin siya, isulong ang Charter Change at pigilan ang 2028 elections.

Tinawag din ng Pangulo na “nonsense” at “fake news” ang mga naturang alegasyon.

Samantala, una nang itinanggi ni VP Sara ang alegasyong tumanggap siya ng maleta ng pera matapos lumutang si Rodulfo Gracioso Jr., na nagpakilalang dating security aide ni dating Speaker Lord Allan Velasco. (Gilbert Perdez/Vanz Fernandez)