BANGUNGOT NI INDAY SALAKAY

Maagang humiga si Inday Salakay sa kapaguran sa ‘di maawat na paggagala sa iba’t ibang bansa dahil ‘di malaman kung saan ilalagak o itatago ang limpak – limpak na salaping nakulimbat sa kabang bayan. Sa pagkakahiga ‘di nagtagal at ganap na nakatulog, naghilik at nagsasalita na dahilan sa kara – karakang pag-alis ng mga kausap at hinayaan si Inday Salakay na makapagpahinga. Pagal sa paggala, magwaldas ng salapi ng bayan sa kapritso ng katawan habang si Mang Juan kung ‘di alam kung saan huhugot ng pambili ng makakain. Napakalayo ng katayuan ng mga banggit subalit ganap na masarap ang tulog ng Mama sa dahilang walang sala sa kapwa at ang tanging sala ay sa pagkain. Habang ang pagal sa paglalaboy na si Inday Salakay ay ‘di na nagawang magpaalam sa mga kausap na matutulog. Sa totoo lang, magkahalintulad ang pagod na dama ng dalawang banggit at ang pagkakaiba’y ang alalahanin sa kinabukasan, si Mang Juan ang kakainin at Inday Salakay ang sagutin sa bayan dahil sa pangungurakot.

Ilang oras ang lumipas at lumalim ang pagkakatulog ni Inday Salakay na naghahabol ng hininga, nananaginip ang hitad. Sa panaginip, lumabas ang mukha ng mga abogadong tagapagtanggol sa usaping hinaharap. Umiyak dahil unti – unting lumalabas ang mga lihim na itinatago dahil sa pagdinig na kinahaharap sa hukom-senado. At daling lumabas ang imahe ng asawa na umiiyak bakit ito ang naibigan at ‘di nabatid ang tunay na pagkatao ng napangasawa. Sa panaginip, sinisigawan ni Mansanas si Inday Salakay at banggit ang nararanasang pagkamuhi ng bayan dahil sa kasakiman sa salapi na ‘di pag-aari. Ngunit ‘di natitinag si Inday Salakay sa banggit sa asawa at siningil sa pagpasok ng bawal na gamot sa bansa. Patuloy ang talakan ng mag-asawa na nagpapalitan ng sisihan kung bakit at paano napasok ang kasalukuyang kalagayan. Magbabangayan, nagbabatuhan ng maanghang na salita na patukoy sa bawat. At ang tanong, ang panaginip ba’y bahagi ng iniisip na karga ni Inday Salakay sa kasalukuyan?

Tuloy ang panaginip ni Inday Salakay at pumasok ang magkakapatid na si Boy Tattoo at teBats na nagmamalaki na ‘di magagalaw sa salang gawa. At hindi nagtagal pumasok sa eksena ng panaginip si SenTri na hinahataw si Boy Tattoo na aminin ang pagiging kasapi ng sindikato sa droga at nagbabag ang dalawa at silip ang umaagos na sipon ni Boy Tattoo at nagsabing isusumbong sa ama ang kababagan. Humalakhak sa tawa si SenTri at banggit na habulin ang ama na nasa karsel sa malayong lupain. At walang kaabog – abog, nagbago ang eksena ang panaginip sa pagpasok ng mga kakampi sa pagdinig sa senado at banggit na mapapawalang sala ang abalang pangulo.

Higit na humagulgol si Inday Salakay sa banggit ng bata ni Batman na mapawalang sala sa kinahaharap na usapin sa hapag ng senado. Batid ni Inday Salakay ang kapasidad ng kakampi at ang banggit na dahilan sa paghagulgol. Hindi nagsalita si Inday Salakay sa likod ng isip, batid na masisipa sa pwestong tangan. Ang masakit, ‘di lang ang pwesto ang mawawala dahil kalakip ng pagkasipa sa pwestong tangan ang mga asuntong kahaharapin. Hindi nagpahalata si Inday Salakay at hinimok ang mga kakampi na magpatuloy sa pagtutol at pagtuligsa sa pamahalaan higit sa pangulo na tinawag na bangag. Hindi nagpakita ng takot si Inday Salakay sa mga kakampi at patuloy na napapalakas ng loob kahit sa likod nito’y ‘di mawari ang kabang nadarama.

Sa pagpihit sa pagkakatulog ni Inday Salakay, hayun humarap ang mga abogado ng prosekyusyon na si Kapunan at Ligutan na may dalang maso na ipapalo sa ulo ng abalang pangulo. Humagulgol ng iyak si Inday Salakay at nagsusumamo na ‘di na gagawa ng kabulastugan at handang ibalik ang nakulimbat na salaping bayan. Sa pag-amba ng mga abogado na mamasuhin si Inday Salakay habol hininga ang mangmang at nagpupumilit na imulat ang mata ngunit ‘di magawa. Sa totoo lang, masahol sa panaginip ang dinaranas ni Inday Salakay, ito’y bangungot na ‘di mawala sa sip ang nagaganap sa sarili sa katotohanan. Ang paghagulgol sa panaginip ang katotohanan na may takot si Inday Salakay sa magaganap sa madaling panahon. Batid ng abalang pangulo ang salang gawa na ‘di mapasubalian maging sa usaping legal. Ang bangungot na naranasan ang kaayusan sa sarili ni Inday Salakay na dala hanggang sa pagtulog. Hindi matakasan ng abalang pangulo ang pag-aalala higit sa takbo ng usaping kinahaharap at porma ng mga abogadong taga-pagtanggol.

Sa totoo lang, sumagi sa panaginip ni Inday Salakay ang salang gawa dahil sa nakamit na kalakasan sa panahon na pangulo ang ama. Ang pagpapabaya ng amang walang puso sa tao ang ganap na dahilan sa pagkawala sa sarili at bait ng mga anak. Ang mataas na pwestong natanganan ng ama na ginamit sa pagmamalabis sa kabang bayan hanggang sa naging abalang pangulo. At ngayo’y panaginip este bangungot na dala at pabigat sa pagkatao. Ang masakit, madadala ng mga anak o susunod na lahi ang batik ng ina minsang naging abalang pangulo. Sa totoo lang, aanhin ang yaman o kayamanan kung sira ang pagkatao higit bayan ang nakakaalam sa salang gawa.

Sa pagkakabalikwas, nagising, naulinigan ni Inday Salakay ang ilang balita na namimili na sa mga nakahanay na lider pampulitika ang ipapalit. Ito’y hindi bangungot at ganap na usapin haharapin ng abalang pangulo. May mga ngalan na lumulutang ngunit higit na pinagtutuunan ni Inday Salakay ang haharaping usaping legal na maglalagay sa kanya sa rehas tulad ng ama. Ang masakit, hindi nakikita ang parehong kaayusan na ibinigay sa mga dating lider ng bansa na nabigyan ng “pardon” at nakabalik sa dating kaayusan. Ang salang gawa na hungkag sa kagalingan ang nagpabagsak sa toreng ‘di maliparan sa nakaraan. At ngayo’y tila mag-iisa sa kamalasang dinadanas at daranasin. Ang salang gawa higit sa pagmamalabis sa salaping bayan, sa dami ng mga kaluluwang humiwalay sa katawan ng biktima ng salang gawa ng ama, si Inday Salakay ang kumarga at umani. At ito’y ‘di bangungot ni Inday Salakay, ang katotohanan na ‘di matatakasan, ang maalis sa pwestong tangan at panagutin sa salang gawa sa bayan.

Maraming salamat po!!!!