SOUTH KOREAN FUGITIVE NA ‘WANTED’ SA ILLEGAL GAMBLING ACTIVITIES, INARESTO NG BI-FSU

ISANG South Korean national na ‘wanted’ sa sariling bansa dahil umano sa illegal gambling activities kaugnay ng ‘unauthorized online game servers’ na in-operate sa Pilipinas, ang dinakip ng Bureau of Immigration (BI).

Ayon kay BI Fugitive Search Unit (FSU) Chief Rendel Ryan Sy, ang fugitive ay kinilalang si Lee Seunghyun, 41. Siya ay dinakip sa Barangay Western Bicutan, Taguig City at diumano ay ‘subject’ ng isang Interpol Red Notice.

Sinabi pa ni Sy na ang operation ay batay sa hiling ng South Korean government para sa deportation ni Lee’ upang harapin ang kanyang kaso.

Sinabi umano ng South Korean Embassy na ang Busan District Court ay nag-isyu ng arrest warrant labann kay Lee noong January 15, 2026, matapos siyang makasuhan ng paglabag sa South Korea Game Industry Promotion Act.

“South Korean authorities said that beginning in January 2019, Lee and his accomplices manipulated an interface adapter to operate three unauthorized private online game servers in Angeles City, Philippines. The group allegedly generated illicit revenue by collecting cash payments from users in exchange for “Adena,” the game’s virtual currency, facilitating unauthorized monetary transactions through the servers,” ayon pa kay Sy.

Batay sa BI records, si Lee ay huling dumating sa Pilipinas nitong July 26, 2018 at nanatili sa bansa mula nuon hanggang sa maging ‘overstaying alien’.

Isinama na si Lee sa BI blacklist mula pa August 2019 bilang isang pugante o ‘fugitive from justice.’

Si Lee ay naka-detine sa BI detention facility sa Taguig City habang nakabinbin ang kanyang deportation proceedings. (JERRY S. TAN)