Boksingero, na-coma sa unang laban

ISANG amateur na boksingero ang na-coma nang matalo sa unang laban sa Davao del Sur.

Kinilala ang biktima na si Anselmo Tagalog Jr., 18 anyos, taga-San Vicente, Matanao Davao del Sur.

Sa ulat, isinagawa ang boxing sa 71st Araw ng Bansalan noong Sabado, September 17, 2023

Ayon sa report, tumagal ang laban hanggang tatlong rounds bago nawalan ng malay si Tagalog.

Agad naman siyang isinugod sa ospital kung saan natuklasan na may namuong dugo sa kanyang utak.

Iniimbestigahan na ng local government unit ang insidente.

Humihingi ng tulong pinansyal ang ina ng boksingero para sa pagpapagamot ng kanyang anak.