‘When I Met You In Tokyo’ Bongga Ang Feedback Sa Netizens; Shake Rattle & Roll Extreme Most Viewed Teaser Sa SM Cinema FB Page

Ni PETER S. LEDESMA

ANG tatag ng staying power ng career ng Star for all Seasons na si Vilma Santos. At ang fans ni Ate Vi ay Global at infairness kilala rin siya ng millennials.

Very timely ang showing ng “When I Met You In Tokyo” nila ni Christoper de Leon ngayong December 25 at karamihan sa mga tagahanga ni Ate Vi sa abroad ay uuwi ngayong Pasko.

And I’m sure lahat sila ay excited na mapanood ang When I Met You In Tokyo. At ang bongga ng feedback nito sa netizens base sa napanood nilang Teaser drop ng nasabing pelikula na umani ng maraming papuri sa ganda ng drama-romance movie nina Ate Vi at Boyet.

Narito ang ilan sa komento ng netizens sa movie na posted sa FB Page ng When I Met You In Tokyo. “Joy Garces-Ang ganda…Love it. Can’t wait to see this movie. Walang kupas si ate Vi and mr. Boyet. May kilig and spark.”

“Bernard Jimenez-Enriquez-Trailer pa lang napakaganda na. the magic of Miss Vilma Santos-Recto continues,” “Donabelle Collantes Cera-Nakakikilig at nakatatawa balik loveteam ang Vilma at Christoper yayy” at si Geraldine Costes-Vilma Santos & Christoper de Leon tandem!! Tatabo naman sa takilya!! Just like 80’s era! Wala pa rin silang kupas.”

Masayang nagpasalamat sa kanila si Ate Vi sabay imbita na rin, “Thank you so much!! See you all at the theaters!! Pls tell your friends to watch! Bring your family! Let’s fall in love!”

At dahil kwento ng parehong OFW na character nina Ate Vi and Boyet sa When I Met You In Tokyo, tiyak na aabangan ang international showing nito sa iba’t ibang bansa partikular na sa Japan.

Produced ito ng JG Productions nina Ma’am Rowena Jamagi at Sir Rajan and Overall In-charge sa Production na si Ma’am Redgie Acuña Magno.

***
SA mga latest local and foreign films na nakapost and upload ang mga teaser sa FB Page ng SM Cinema na may 1.6M followers ay nangunguna ang official teaser ng ‘SHAKE, RATTLE & ROLL EXTREME” ng Regal Entertainment, Incorporated ni Ma’am Roselle Monteverde.

Yes, ang SRR EXTREME ang most viewed with 250K views (still counting) sa nasabing social media account ng SM Cinema. Nasa 1 million views naman in just 24 hours ang trailer nito sa lahat ng social media platforms ng Regal Entertainment.

Kaya’t maging ang lahat ng SM Cinemas sa buong bansa ay inaantay na ang showing ng iconic Pinoy horror movie sa November 29. Kasi kung pagbabasehan ang ingay ng Shake Rattle And Roll Extreme ay marami ang excited na kanilang mapanood ito sa big screen.

Ang SRR Extreme ay pinangungunahan nina Iza Calzado, Jane de Leon, Jane Oineza, RK Bagatsing, Paul Salas, Paolo Gumabao at marami pang iba. Ito ay dinirek ng tatlong bigating blockbusters directors na sina Jerrold Tarog, Joey de Guzman at Richard Somes.

***
Label Head Ng Star Pop ABS-CBN MUSIC Rox Santos, Bigatin Ang Mga Guest Sa 15th Anniversary Concert Sa Music Museum

SA mediacon ng gwapo at sikat na label head ng ABS-CBN MUSIC na si Rox Santos, na-invite ng publicity and promo head na si Ja Pantilanan sa Academy of Rock. Sobrang ganda ng line-up ng guest artists na lahat ay mga nakatrabaho na ni Rox para sa kanyang 15th Anniversary Concert sa Music Museum this Nov. 10 at 8:00 PM.

Pangungunahan ito nina Vice Ganda at Erik Santos. Kasama sina Alexa Ilacad, Agsunta, Anji Salvacion, Annrain, Bini, Bryan Chong, Drei Sugay, Jeremy G, Juris, Kakai Bautista, KD Estrada, Kice, Khimo, Klarisse, Kyla Estrella, Sheyrn Regis, Trishia Denise at ang na-meet namin sa nasabing presscon na si Cesca na bahagi ng Star Pop.

May surprise pa na special guest sa anniversary concert ni Sir Rox na sa proper concert na lang daw malalaman. Nang kumustahin ang sales ng tickets sa event niyang ito ay gumagalaw o bumebenta naman daw. Aba, hindi rin matatawaran ang mga big achievements ni Rox bilang composer at music producer na to name a few ay nakagawa ng hits sa mga Star Music artists na sina Regine Velasquez, Jaya, Erik Santos, Michael Pangilinan, Angeline Quinto, etc. Siya rin ang nasa likod ng malaking tagumpay ng “Amakabogera” ni Maymay Entrata na inspired daw sa KPOP na sing and dance.

In all fairness, malaki rin ang K o karapatan ni Rox na maging sikat na recording artist kung kinarir niya ito. Yes, he has the looks and very appealing at tall pa at may boses. Pero kuntento na raw siya sa kanyang field.

Gusto palang pasalamatan ni Rox ang ABS-CBN Music Team na very supportive sa kanyang 15th Anniversary Concert, ABS-CBN MUSIC HEAD-ROXY LIQUIGAN, CREATIVE DIRECTOR-JONATHAN MANALO, PUBLICITY & PROMOTIONS HEAD AND HOST-JA PANTILANAN at SOCIAL MEDIA SPECIALIST NA SINA LEILA RIEGO at SIMONE DIMALIBOT. Kasama rin sa gusto nitong pasalamatan ang MANILA AND GLOBAL ACADEMY OF ROCK SHAREHOLDERS AND PARTNERS, FOUNDER/PRESIDENT/CEO-Ms. PRISCILA TEO, CEO EQUINOX MANILA AND GLOBAL ACADEMY OF ROCK SHAREHOLDER BENEDICT MARIATEQUE, ENCHONG DEE, JR GAN AND JOSHUA GARCIA at sa OPERATIONS MANAGER, Ms. CATHY VELASCO.
Available sa TICKETWORLD ang ticket sa concert. Prices are VIP-P3,950, PATRON SIDE-P3,180 at P1700 naman para sa BALCONY. Well for sure, tiyak na tatauhin ito.