“Mono No Aware” at “Limlim,” wagi sa 2026 Puregold CinePanalo Film Festival

Ni Mercy Lejarde

“Mono No Aware” at “Limlim,” nanguna sa 2026 Puregold CinePanalo Film Festival Awards Night

Naging makulay ang pagtatapos ng 2026 Puregold CinePanalo Film Festival matapos manguna ang “Mono No Aware” at “Limlim” sa mga pangunahing awards sa kani-kanilang kategorya.

Sa full-length category, pinakamaraming awards ang naiuwi ng Japan-set drama na “Mono No Aware,” na nakakuha ng siyam na parangal.

Kabilang dito ang Pinakapanalong Pelikula, Panalo sa International Jury, Panalong Director para kay BC Amparado, Panalong Aktor para kay Juan Karlos Labajo, Panalong Pangalawang Aktres para kay Momoko Kobayashi, Best Ensemble, Panalo sa Cinematography para kay TM Malones, Panalo sa Editing para kay Edmund Telmo, at Panalo sa Sound Design para kay Willie Apa Jr.

Apat na awards naman ang naiuwi ng “Apol of My Ai,” “Multwoh (Patay na Patay Sa’yo),” at “Patay Gutom,” habang dalawang awards ang nakuha ng “Stuck on You.”

Kabilang sa mga kapansin-pansing nagwagi si Xyriel Manabat na nakuha ang Panalong Aktres para sa kanyang role sa “Stuck on You.” Nagwagi rin bilang Panalong Child Performer ang batang si Zion Cruz para sa “Apol of My Ai,” habang si Zanjoe Marudo naman ang Panalong Pangalawang Aktor.

Sa student shorts category, tabla sa tig-apat na awards ang “Limlim” at “Kun Hain, Bisan Diin.”

Nagkaroon din ng tie sa Panalong Director, kung saan parehong nagwagi sina Samantha Palaje para sa “Limlim” at Jomarie Corro-Reyes para sa “Kun Hain, Bisan Diin.”

Sa huli, “Limlim” ang nag-uwi ng Pinakapanalong Maikling Pelikula.

Kumpletong listahan ng mga nagwagi sa 2026 Puregold CinePanalo:

PINAKAPANALONG PELIKULA
Full-Length: “Mono No Aware”
Student Shorts: “Limlim”

PANALONG KARANGALAN MULA SA HURADO
Full-Length: “Apol of My Ai”
Student Shorts: “Kun Hain, Bisan Diin.”

PUREGOLD ALWAYS PANALO FILM
Full-Length: “Multwoh (Patay na Patay Sa’yo)” at “Patay Gutom (Dead Hungry)”
Student Shorts: “Miss Intrams” at “Pulis Dunggab”

PANALO SA INTERNATIONAL JURY
Full-Length: “Mono No Aware”
Student Shorts: “Alumahan”

PANALONG DIRECTOR
Full-Length: BC Amparado – “Mono No Aware”
Student Shorts: Jomarie Corro-Reyes – “Kun Hain, Bisan Diin.” at Samantha Palaje – “Limlim”

PINAKA PANALONG MAIKLING PELIKULA (PANORAMA SECTION)
“The Other Side of Reality” – Zig Dulay

PANALONG AKTRESS
Full-Length: Xyriel Manabat – “Stuck on You”
Student Shorts: Jonalyn Mateo – “Ang Huling Banlaw ni Susan”

PANALONG CHILD PERFORMER
Full-Length: Zion Cruz – “Apol of My Ai”
Student Shorts: Zoey Madison Lim – “Limlim”

PANALONG AKTOR
Full-Length: Juan Karlos Labajo – “Mono No Aware”
Student Shorts: Jay Gabriel Cañada – “The Sound of K”

PANALONG PANGALAWANG AKTRESS
Full-Length: Momoko Kobayashi – “Mono No Aware”
Student Shorts: Nour Hooshmand – “Starfish”

PANALONG PANGALAWANG AKTOR
Full-Length: Zanjoe Marudo – “Apol of My Ai”
Student Shorts: Nor Domingo – “12 Shots”

BEST ENSEMBLE
“Mono No Aware”

PANALO SA MGA MANONOOD
Full-Length: “Multwoh (Patay na Patay Sa’yo)”
Student Shorts: “Ang Huling Banlaw ni Susan”

PANALONG KWENTO
Full-Length: Carl Joseph E. Papa, Yvonne Garcia – “Patay Gutom”
Student Shorts: Jomarie Corro-Reyes, William Roberts – “Kun Hain, Bisan Diin.”

PANALO SA CINEMATOGRAPHY
Full-Length: TM Malones – “Mono No Aware”
Student Shorts: Geia de Vera – “Limlim”

PANALO SA PRODUCTION DESIGN
Full-Length: Rodrigo Ricio – “Multwoh (Patay na Patay Sa’yo)”
Student Shorts: Jim Flores, Minnesota Flores, Sol Samodio – “12 Shots”

PANALO SA MUSICAL SCORING
Full-Length: Emerzon Texon – “Apol of My Ai”
Student Shorts: Lenard Kent Villanueva – “Miss Intrams”

PANALO SA VISUAL EFFECTS
Full-Length: “Patay Gutom” Animation Team
Student Shorts: Junelle Bacho Tecson, Luis Martin Mañalac – “Starfish”

PANALO SA EDITING
Full-Length: Edmund Telmo – “Mono No Aware”
Student Shorts: Brian Spencer Reyes – “Kun Hain, Bisan Diin.”

PANALO SA SOUND DESIGN
Full-Length: Willie Apa Jr. – “Mono No Aware”
Student Shorts: Hannah Gagalac – “Bumtak Sara ti Nuangen”

PANALONG AWITIN
Full-Length: “Reyna ng Quezon City” by Juana – “Stuck on You”
Student Shorts: “Game Na!” by Kier Mosquito, Edlyn Icao, John Dave Brion – “Teks Battle: Shoot Pati Pato!”

PANALONG POSTER
Full-Length: Denver Balbaboco – “Patay Gutom”
Student Shorts: Keith Ian Serfino – “Alumahan” at Eidan Maninang – “Nang Matakasan ang Tagay”

PINAKAPANALONG PROMOSYON NG PELIKULA
“When Heaven Inched Towards Earth”

PANALO SA BRAND INTRUSION
Full-Length: “Multwoh (Patay na Patay Sa’yo)”
Student Shorts: “Alumahan”

Samantala, ibinahagi ni Puregold CinePanalo festival chair Ivy Hayagan-Piedad ang kahalagahan ng awards night para sa mga Filipino filmmakers.

Aniya, taon-taon nilang ipinagdiriwang ang husay, galing at passion ng mga Pinoy filmmaker na patuloy na gumagawa ng pangalan sa Philippine cinema.

“We proudly celebrate their achievements and we will continue to push this new voice and new perspective that move, inspire, and resonate with our panalo cinema audience,” saad ni Puregold CinePanalo festival chair Ivy Hayagan-Piedad

Patuloy namang mapapanood ang mga pelikula ng Puregold CinePanalo hanggang October 4 sa Gateway Cineplex 18 at TriNoma, Fairview Terraces, Ayala Malls Feliz, Ayala Malls Circuit, Ayala Malls Manila Bay and Market! Market.