Modern jeepney sinunog ng armadong lalaki

SINUNOG ng mga armadong lalaki ang isang modern jeepney sa Barangay Dahican, Quezon, Miyerkoles ng gabi.

Ayon sa mga awtoridad, nakasuot ng bonnet ang apat na armadong lalaki.

Sinindihan ng mga lalaki ang modern jeepney gamit ang gaslamp.

Ayon sa Gumaca Transport Service Cooperative, operator ng modernong jeepney, nakakatanggap na sila ng death threats mula sa mga hindi pa nakikilalang indibidwal.

Dagdag pa rito, nagbanta rin ang mga indibidwal na ito na susunugin ang kanilang bagong release na modernong jeepney units.

Papunta sa town proper ang sasakyang may rutang Gumaca-Catanauan nang harangin at sunugin.