Madre nagmando ng trapiko sa kalye sa Maynila

KINAGILIWAN ng netizens ang isang madre na nakuhanan ng video habang nagmamando ng trapiko sa isang kalsada sa Vito Cruz, Maynila.

Sa ulat, mapapanood ang ini-upload na video nina Francis at Christle Samonte na makikita si Sister Constance Tecson na siya munang nagmamando ng trapiko habang wala pa ang naka-duty doon na traffic enforcer.

Napa-“stop, look and listen” naman ang mga taong tumatawid, sinusunod ng mga motorista ang senyas ng madre.

Nagbiro ang ilang netizens na baka maging “minus points” sa langit ang mga hindi susunod sa senyas ni Sister Tecson.
Pinusuan ang viral na video na mayroon nang halos tatlong milyong views.