Bomba sumabog sa Zambo: 2 patay

NASAWI ang dalawa katao sa pagsabog ng improvised explosive device (IED) na nakalagay sa isang motorsiklo sa Barangay Lower Bayao, Tukuran, Zamboanga del Sur nitong Martes ng umaga, September 17, 2024.

Sa ulat, nawasak ang katawan ng mga biktima dahil sa lakas ng pagsabog.

Hindi pa tiyak kung ang mga biktima ay sila rin ang may dala ng bomba dahil nasa loob ito ng u-box ng isang motor nang sumabog kungsaan sakay ang mga nasawi.

Wala pang opisyal na pahayag ang Tukuran Municipal Police Station at ang Police Regional Office-9 hinggil sa insidente hanggang sa mga oras na ito.